Taldekideak
Fitxa teknikoa
1997an grabatu zen Beasaingo Lagin estudioetan Mikel Fernandezen gidaritzapean. Han izan nituen lagun Eñaut Elorrieta (gitarra klasikoa), Igor Arzuaga (ahosoinua), Pello Ramirez (txeloa eta akordeoia) eta Iñaki Aurrekoetxea (Bazkalosteko kafea / Arrasto umela letrak) Jatorrizko diseinuaz Mel Mardaras arduratu zen.
Autoekoizpena izan zen lehenbiziko disko honetan Arkaitz Estiballes izan nuen kide eta akuilu. Guztientzat nire esker ona.
SU NIMIÑO BAT
2021eko urriaren 17an Bilboko Kafe Antzokian publikorik gabe eta zuzenean grabatua eta ondoren Koba estudioetan nahastua, Jose Manuel Sanpedro “Xanpe”ren gidaritzapean.
Haitzetan diskaren birmasterizazioa bere esku egon da, halaber.
Mikel Urdangarin Ahotsa, gitarra, letra eta musika
Josu Zabala Akordeoia eta ahotsak
Koldo Uriarte Teklatuak eta ahotsak
Rafa Rueda Gitarra elektrikoa eta ahotsak
Nika Bitchiashvili Bibolina
Jon Cañaveras Baxua eta ahotsak
Ander Hurtado de Saratxo Perkusioak eta ahotsak
Alison Keable Ahotsak
Diseinua (berrargitalpena) Alain Urrutia
Eskerrik asko bihotzez talde osoan eta gonbidatu luxuzkoa izan zen Josu Zabalari laguntzaile izan genuen Lon Fernandezi eta argazkiez arduratu zen Gaizka Penafieli. Berdin bideoaz arduratu diren Zirriborro eta Oier Aranzabali. Estimu handian Kafe Antzokiak eman zizkigun erraztasun denak.
Milesker Alain, Xanpe, Harkaitz, Aitor eta Amaia
2021
Haitzetan 1997-2022
Aurki beteko dira 25 urte haitzetan argitaratu nuenetik. Oharkabean joan den ia mende laurdena. Oinez hasi orduko etengabeko bidegurutzetara ekarri nauen pausua. Gaur urteurren bereziaren ateetan jarri nauen pausua. Asko idatz nezake denbora guzti honetan bizitakoaz, gehiegi ziurrenik. Beraz, ideia bakarrari helduko diot pentsamendu hau azal dezadan. Inoiz hala sentitu bada ere sekula bakarrik egon ez den bakarlaria naiz.
Denetarik bizi izan dut, ospakizun handiak, suziriak, uholdeak, desertua, baso berdea…kontraste handiko iruditegia. Eta, inoiz ere, bakarrik sentitu naiz oso musikaren bidaia intentso honetan. Baina azken hau sentipena baino ez da, ez du zertan egia izan. Izan ere, banitateak engainura garamatza sarri, tentagarri egiteraino, ez garen hori sinisteraino, ez den hura bizitzeraino. Eta ez da egia. Egoera zailenetan ere, gutxienez nire buruarekin egon izan naiz beti. Eta norbere baitan norbera baino jende eta mundu gehiago bizi dira. Ez gaude bakarrik. Nire ahotsa, nire kemena eta indarra ez dira neureak bakarrik, ezta neure beldurrak ere. Nigan bizi diren arbaso eta lagunenak ere badira. Ezagutzen ez ditudan baina nolabait ere ondoan bizi diren mundu eta jende batenak ere badira.
Horiek guztiak dira oraindik nigan bizirik dirauen su ñimiñoa.
Mikel Urdangarin
Partekatu ezazu
Letrak
Esperantzarik gabeko zenbait
debekatuak dezente
mila galduak eta hainbeste
gau bakarreko aterpe
askok laugarren begiradatik
betirako dirudite
bazkalosteko kafeak bezain
usai goxoa daukate
nik zurekiko dudana ere
halakoa litzateke
nire bizitza laburra baina
zein dezberdina izan den
zu ezagutu aurretik eta
zuk musu eman ondoren
zure iparrak noraezaren
lekukoa hartu zuen
ta denboraren oneritziak
erakusten du ondoren
nire bihotza zure neurrira
nola egina dagoen
zurekin nahi dut Maxian barna
karroa zoro eroan
baita erantzi nahi dizkizudan
prakak erostera joan
bertan zaudela sentitu nahi dut
ohera sartzerakoan
lotsaren mugak lehertuarazi
ta gehiago delakoan
erloju hotsak esnatu eta
zu izatea alboan
momentu batez nire bertsoak
ametsetara bidaliz
zure usaiak atzeman ditut
zoriona jo dut begiz
hankak lurrera ekarri ditut
irribarre salatariz
bazkalostera itzuli eta
hamarmilagarren aldiz
aspaldi hartu dudalakoan
kafea hoztu zait berriz.
Zuretzako da
Poematxo hau,
Sasipoetak idatzia.
Sentimendu nahasiak
Bultza egiten
Naute bultza.
Zure ondoan
Sekula ere
Ez nauzu imajinatu,
Ta nik kutxaua itxaropentsu
Urrunetik, laztantzen zaitut.
Usaiak bialtzen dituzunean
Baten bat niretzat al da?
Galtzaile honen onduan bizi nahi neska?
Aldamenean.
Agian sorte, apur batekin
Batera biziko gara.
Pertsona arrunten gisa da.
Gure munduan.
Zure ondoan
Sekula ere
Ez nauzu imajinatu
Ta nik kutxaua itxaropentsu
Urrunetik laztantzen zaitut
Usaiak bialtzen dituzunean
Baten bat niretzat al da?
Galtzaile honen onduan bizi nahi neska?
Aldamenean (x2)
Zure usaiak… (x3)
Pizti arrunten modura
senarra dator barrura
joaren joaz harrapatu du
haziak helmuga
gero betiko ohitura
nekea edo logura
azken musu bat ahaztu ostean
seko geratu da
nahiz bakarrik nauen utzi
kulerorik ez dut jantzi
asetu ezak tentaldiari
ezin dio eutsi
lehengoa zen horren gutxi
trenetik zergatik jeitsi
gozamenaren geltokiraino
ez bada iritsi
behin haitzuloan sartuta
samurtasunaren punta
hatzamarraren eskutan dago
helburu arrunta
orgasmoraino pausuka
eraman beharra nauka
alboko pendoi artega horrek
ezin izandu ta
sumendiaren epela
berotzen doan bezela
izaretara bideratzen da
arrasto umela
hau bai harreman fidela
sexuzko autonobela
laztan bakoitzak bere txikian
asetzen nauela
igurtzi baten ostean
hurrengoaren eskean
gozamen suak hastera doaz
nire hankartean
dardara luze batean
murgildu naiz bapatean
ta sekretua ezin izan dut
gorde isilpean
asperenak salaturik
albokoa kezkaturik
lasai gizona ez baita izan
ametsa besterik
ondoren isil isilik
buelta erdia emanik
loak hartu nau irribarretsu
ta kulero barik.
Gizerailea lasai dago, ilunaren zai dago
lanetik etxera doa hurrengo biktiman pentsatzen
ezin oroiturik dabil azken presaren begiak
azken odol trago buruan ezin oroiturik dabil
orriak betetzen dira gizeraileari esker
goitizenik bako gizon arrunta bildurrak erein zale
sendiak tristetzen ditu gaba astiro abailtzen
labana zorrozten dihardu gaba astiro abailtzen
akabatu ditu………
tabako usaia biziki gorrotatzen duen
goitizenik bako gizona kale bazterrak oroitzen
andreari musu emango dio goizero egun sentian
berea ez duen hatsarekin goizero egunsentian
akabatu ditu gaur zortzi akabatu ditu
Amarauna ninietan
herriko plaza betileetan esekirik
irudiak mila zatitan banatzen zaizkit
agur bat ondo ondotik
altzairuak musu batez hautsi
agurrak zauden lekutik
hesiak irri batez apurtu
amarauna bekainetan
museko lagunak han zintzilik
ta mundua laukiz josita dago
Azken irudiak lokamustu dira
begiak espaloi ertzean hiltzatuz
ahaztu zaizu amaren azken esana
lasaigarri urdin baten eraginez
altxatu zara eta bazoaz
plazerraren apur haien bila
eskuak itxirik
kotxeak geldirik daude eta zu garaile
udaltzain jauna etzanda zure hankapean
yoga egiteko esan dizu sikiatrak
gazte begirada sarkorraren bila
mugimendu arinak fosilak dituzu
ahaztu zaizu amaren azken esana
Zubi ondoko baserrian
etxe politenean
pianoak din-don dagi
eskubila
odolezko ezpainetan
bibote mexikarrak
doinu bitxi bat jazten du
bongi bat bi bongi
ai mutila denboraren
nozioa galduta
etxera berandu heldu da
beti legez.. inpuntuala
Haitzetan lainoen artean, ortozik jaku egoten
hazia barruan ernetan, jatorkonari berba
herri bat ikusiko dozu negar eta zaurietan
ukenduz zeuk bakarrik osatuko dozuna
aita hil dautzue seme maltzurren egunean
sugarrik ez dozu gurako datozen Jondeunetan
eguzkiak emon daien indarra eskuei
zoli, haitz eta abarrots, Auñamendiko basoetan
haitzetan, lainoen artean, ortozik joku ibiltzen
hazia barruan ernetan jatorkonari berba
Haragi eske gabiltzanok
jaitsi gara gure infernura
mundu hontako bero guztiak
bat egiten duten lekura
karibetik lapurtutako
margo prefabrikatua
herriko ustezko ardi baltzak
ta herriko ardi sasi zuriak
nire lagunen aitak eta
nire aitaren lagunik onenak
azken txanponak patrikan dantzan
musa bakarrari eskainiak
nini ordi gerri lori
eulia eztitan erori
lore eskaintza soari, bai soari
arezko tontor moldatuezin
inoiz daztatuaren zirrara
gorri askodun ezpainetan
Maria izena leitzen da
Gerri kurbatsu aran isil
lurtar ez pekatarion eremua
Nini ordi laztan bat zure eskuetan
Aingeruontzat
Gogoratzen urriko Dublin hortaz
tabernetan biharamuna kentzen
eperrak kanta zerbeza beltzez
bozak goratzen , jendea parrez
oroitzen urriko mozkorrak
nundarrak galdetzen ziguten
erantzunik ez erantzunik ez halakoetan
irri bat soilik gure ezpainetan
oroitzen urriko mozkorrak
nundarrak galdetzen ziguten
egurrez orditzen ostatuetan
kitarrak zahartzen ziren hoietan
Zertan nenbilen pentsatu gabe
bihotza nizun urratu
gerora ondo eginagatik
pekatua da pekatu
norberak parkatuko ez lukeena
ahaz dezazun eskatu
zaurituaren harrotasunaz
ezin zara erraz libratu
ezer konpontzen al da benetan
maite zaitudala esanik
poltsikoetan jadanik ez da
gisajo honentzat txanponik
zure planetan ez al da sartzen
atzera bueltatzerik
behin irrist ere egin nuen ta
ondo ordaindu behar dut nik
ordu txikiak erdi mozkorrak
hitzak joaten ziren erraz
onartu behar dut gaba horretan
ez nintzen oroitu zugaz
nahiz eta inoiz halako baten
zurera magaldu ausaz
kostata ez naiz akordatuko
baietz esan nion hartaz
Etxetik partitzear baletor zalantza
mamu zaharrak zirika, hotzikara latza
betor kemena, betor arbasoen kemena
oinez hasi orduko baletor dardara
pausu bati hurrena balitzaio falta
hautsi dezala, hautsi buruak tranpa
hautsi dezala hautsi buruak tranpa
badatoz gerrariak, badatoz
zaldi erraldoien gainean, milaka datoz
herio danborrek hots
beldurrik ez eta zain
egon
deskuidoz noraezak hartzen bazaitu
ipar haizerik ez eta belak huts
bihur dadila izua olatu
etsia lema, nekea erramu
gaba beltzean itsu gelditzen bazara
ez zeru eta ez lur gelditzen bazara
argitxo bat piztuko dizut lehio ondoan
su nimiño bat bihotz ondoan
badatoz otsoak, badatoz
ezpatak airean zuzen zugana datoz
herio danborrek hots
ez ikaratu ta zain egon
egon
Hortxe aurkituko nauzu bidean
bidezidorrean, ibar luzean
baso berdean, porlanezko oihanean
su nimiño bat bihotz ondoan
