Mikel Urdangarinek eta bere bandak Donostiako Victoria Eugenia antzokian aurkeztuko dute Izurdeen lekua, estudioko azken diskoa. Kontzertu honek bukaera emango dio birari.

Izurdeen lekua. Eskaintza xume bat. Musika terapia gisa. Mikel Urdangarinek, besteak beste, duela bi urte hil zen bere ama omendu nahi du, eta, doluaren baitan jaio arren, argitasunari begiratu nahi dio etengabe.

Oraingoan, Mikelek bi zatitan banatzen den ikuskizun bat aurkezten digu. Lehenengoan, ohiko lankideen laguntzarekin, beren lan berria aurkeztuko digute. 11 abestiz osatutako ekoizpena. 11 oroipen. 11 paisaia ezberdin, taldeak zuzenean duen aldakortasuna islatzeko. Lehenengo piezarekin hasi eta hamaikagarrenarekin amaitzen den lan integrala.

Bigarren zatian, planteamendu libreago batekin, zornotzarrak bere ibilbide luzeko pieza esanguratsuenen aukeraketa interpretatuko du, gutako askoren soinu banda bihurtu den “arrakasta handien” zerrenda. Ospakizuna izango da xede bakarra.

Izurdeen lekua. 2020ko maiatzean izurde batzuk agertu ziren gure kostaldean, zegokien lekua hartzeko naturaltasunez. Jendearen begietara egindako ezohiko bisita hark izurdeen espazioaren normaltasuna islatzen zuen duela milaka urtetik. Animaliak askatasunaren sinbolo bihurtu ziren garai hertsietan. Urdangarinek ere, maiatzean izurdeek egin zuten bezala, oholtza gainean antzezten du.

Sarrerak

Victoria Eugenia Antzokiak azaroaren 4an, 11:30etik aurrera jarriko ditu salmentan sarrerak, bai berton eta bai webgunearen bitartez.