Mikel Urdangarinek laukote formatoan eskainiko du kontzertua Hernaniko Biteri Kultur Etxean.

Mikel Urdangarinen musika beti da opari belarrientzat eta baltsamo arimarentzat.

Gainera, zuzeneko emanaldietarako formatu eta prestakuntza desberdinetara egokitzeko gaitasuna du. Horietako bat laukotekoa da, eta hainbat instrumenturen soinuez gozatzeko aukera ematen du, Mikeli ahotsean lagunduz.

Abantaila batekin: taldekideak dira, kantu bakoitzaren ñabardurak ezagutzen dituzte eta une bakoitzean behar den ukitua ematen diote.

Mikel Urdangarinek laukote formazioan kantautore zornoztarraren errepertorioaz beste modu batean gozatzeko aukera ematen du, esperientzia berezi bihurtuz.

SARRERAK: Biteriko leihatilan edo on line kulturan edo hernani.eus webgunean.